Ølhistorie i magiske omgivnader

Sykkylven er ei lita perle i hjartet av Sunnmøre. Her finn du dramatiske fjell, rike fjordar og tilgjengeleg natur. I desse rammene har det vore brygga øl i uminnelege tider - og no kan du få oppleve nytt og gamalt brygg servert i perfekt harmoni med historia bak.

Historia vår

Tenk deg å verte invitert inn og plassert i slagbenken. Medan praten går, heller verten raskt ein bolle med øl opp i ei glovarm jarngryte. Når ølet er tilbake i bollen, rekkjer han den over til deg og let deg få første smak.

Slik ville eit besøk hos oss utarta seg for omtrent eitt hundre år sidan. I mangel av mogelegheita for å lagre ølet i lufttett behaldarar, må ølet fjølgast for å friske opp smaken. Møtet mellom tilsynelatande dødt øl og det glovarme jarnet, frigir mykje av kolsyra som er bunden i ølet og karamelliserer sukkeret som er i væska. Resultat vert eit skummande og friskt øl, der smaken av oksidasjon er nesten fråverande. Ølbollen går rundt bordet som eit teikn på gjestfriheit, men og på gjensidig tillit.

Ølbollen - eit teikn på rausheit, tillit og respekt

Vi skulle ønske at vi fortsatt kunne ta imot gjestane våre på same måte som oldefar gjorde. Dagens hygienekrav hindrar oss dessvere i å vise deg same respekt å tillit som den gong - men vi skal fortsatt servere deg godt og tradisjonsrett øl.

Husgjæra - Tormodkveiken

Vestlandsbonden kunne ikkje gå på butikken og kjøpe gjær når han skulle brygge øl - ikkje noko anna heller for den saks skuld. Gjæra passa han på som sitt kjæraste eige - vel vitande om at den var nøkkelen til å få godt øl også i år. I dag sirkulerar det norsk gjær blandt både heimebryggarar og bryggeri over heile verda.

Kveik #8 - Tormodgarden er husgjæra vår. Den største forskjellen på ein kveikkultur og ei moderne industrigjær er det biologiske mangfaldet. Kveiken vår har hundrevis om ikkje tusenvis av mutasjonar av saccharomyces cerevisiae-gjæra som alle har sin eigen, unike DNA-profil - i motsetning til industrigjær der alle gjærceller har identisk DNA-streng. Analyser viser at det er tre familigrupper i kulturen vår - noko som kan tyde på at den har vorte blanda med andre kveikar to gongar.

Kveiken innheld mellom anna ein av verdas aller raskaste gjærkulturar, i tillegg til at den har ekstrem toleranse for både temperatur og alkoholstyrke. 43 grader celsius og 16% alkohol kan den takle og den kan gjære ferdig øl på under 24 timar om forholda er optimale.

Bryggeriet

Garden har eigentleg TO bryggeri..

Det kommersielle bryggeriet vart innkjøpt brukt frå Austlandet i desember 2023.

Det består av ein 3-kammer bryggekjel og 2 gjæringstankar med kjølekappe for trykkgjæring. Her kjem vi til å brygge alt øl som skal seljast og skjenkast på garden. Bryggeriet har ein kapasitet på 2HL pr batch, noko som gjev ein teoretisk produksjon på ca 8HL pr månad. Dette utstyret skal i all hovudsak brukast til produksjon av overgjæra øltypar.

KAPASTITETSUTVIDING

Vi har og kjøpt inn ein gamal mjølketank og ein trykktank. Desse to tankane er tiltenkt produksjon av lagerøl - altså undergjæra øltypar som pils og lagerøl. Desse tankane har ein kapasitet på 5HL pr batch, men øltypen krev lengre tid. Tankane representerer likevel ei dobling av produksjonskapasiteten.

Vidare vurderer vi å gå til innkjøp av fleire gjæringstankar slik at kapasiteten kan aukast ytterlegare når vi har fått produksjonen og omsetninga godt i gong.

Det historiske bryggeriet

Konnjølet har vore produsert på koparkjelar og trekar inne i kjellaren på våningshuset.

Konnjølet har vore produsert på “gamlemåten” inne i kjellaren. Her var det frå gamalt av ei stor grue, som saman med ein stor koparkjel på over 100 liter produserte kokande einelåg til brygginga.

Kursverksemda kjem til å fortsette i kjellarane

Av hygienske hensyn har tretønnene fått flytte inn i pensjonistrekkene og har vorte erstatta av bryggekar i rustfritt stål. Koparkjelane er fortsatt med og må pussast og polerast før kvar bryggedag. Dette er tidkrevande, men ein del av rutinene som var før ein bryggedag.

Vi har halde kurs i tradisjonsbrygging inne i desse lokala, og det kjem vi no til å starte oppatt med. Ta kontakt for meir informasjon om våre kurs!